მიტელშპილი საჭადრაკო პარტიის მნიშვნელოვანი ფაზაა. საჭირო სტრატეგიებისა და ტაქტიკების გამოყენება ამ ეტაპზე გამარჯვების საწინდარია. აი, რა უნდა ვიცოდეთ მიტელშპილის შესახებ:
საჭადრაკო თავსატეხების ამოხსნა ChessKid-ზე მიტელშპილისთვის საჭირო უნარებს განგივითარებთ.
მიტელშპილი საჭადრაკო პარტიის შუა ნაწილია. ის დებიუტის შემდეგ იწყება და ენდშპილამდე სრულდება. შუა თამაშში იმდენად რთული და კრიტიკული პროცესები მიმდინარეობს, რომ პარტიის ბედი ხშირად აქვე წყდება. მიტელშპილის მიზანი ენდშპილში მოგებული პოზიციით გადასვლაა.
მხიარულების ოსტატი მაიკი ფიქრობს, რომ ჯერ დებიუტშია, თუმცა ფიდეს ოსტატი ტანი ადევუმი ისე თამაშობს, თითქოს დაფაზე უკვე ენდშპილი იდგეს.
მიტელშპილი მას შემდეგ იწყება, რაც მოთამაშეები სათანადოდ განავითარებენ საკუთარ ფიგურებს და როქის საშუალებით მეფეებს უსაფრთხო ადგილას გადაიყვანენ. ზოგჯერ ისეც ხდება, რომ შუა თამაშში ამ პროცესებამდე გადავდივართ. მოჭადრაკეებს, როგორც წესი, სადებიუტო სვლები წინასწარ აქვთ ნასწავლი. როცა ეს სვლები ამოიწურება და მოთამაშეები საჭადრაკო თეორიას აღარ მიჰყვებიან, უნდა ჩათვალონ, რომ მიტელშპილში არიან.
როქირება (მეფისა და ეტლის ერთდროული სვლა) ხშირად იმის ნიშანია, რომ დებიუტი დასრულდა.
როცა ყველა ძირითადი ფიგურა გაიცვლება, მიტელშპილი დასრულებულად უნდა ჩაითვალოს, თუმცა ისევე, როგორც დებიუტსა და მიტელშპილს შორის, მკაფიო საზღვარი, არც მიტელშპილსა და ენდშპილს შორის გვაქვს.
მიტელშპილში აუცილებელია რამდენიმე მნიშვნელოვანი პრინციპის დაცვა.
კუებს მიტელშპილში უფრო მეტი მოძრაობის შესაძლებლობა აქვთ, ვიდრე დებიუტში.
ეტლის აწევა მიტელშპილში ხშირად გამოსადეგია ხოლმე.
მიტელშპილში ტაქტიკური თამაში უმნიშვნელოვანესია. ყურადღება განსაკუთრებით უნდა გავამახვილოთ შემდეგზე:
ენდშპილი შესანიშნავი დროა იმისთვის, რომ მეტოქეს ტაქტიკური ხაფანგი დაუგო.
მხიარულების ოსტატი მაიკი გირჩევთ უყუროთ ChessKid-ის ვიდეოებს მიტელშპილის შესახებ, რათა საჭადრაკო უნარები გაიუმჯობესოთ.
მხიარულების ოსტატი მაიკი მიხვდა, რომ მიტელშპილში მეცადინეობა დაგჭირდებოდათ. გაიგეთ მეტი შუა თამაშის შესახებ ამ სტატიიდან, რომელიც რვა ვიდეო-ბმულზე გადადის. ეს ვიდეოები გვიხსნის მიტელშპილის მთავარ პრინციპებს და გვასწავლის თუ როგორ გამოვიყენოთ ეს ეტაპი პარტიის მოსაგებად.
ახლა უკვე იცი თუ რა არის მიტელშპილი და რით განსხვავდება ის პარტიის სხვა ეტაპებისგან. მიუხედავად იმისა, რომ თამაშის ყველა ფაზა მნიშვნელოვანია, მიტელშპილის სწორად წარმართვა მომგებიან ენდშპილში გადასვლის წინაპირობაა.